રાજ્યમાં માવઠાની વધુ એક આગાહીના કારણે જગતના તાત માટે ચિંતાના વાદળો ઘેરાઈ ગયા છે. હવામાન વિભાગની ની સાથે સાથે હવામાન નિષ્ણાત અંબાલાલ પટેલે આગાહી કરતા જણાવ્યું કે આગામી 7 થી 9 માર્ચ દરમિયાન દક્ષિણ ગુજરાત,મધ્ય ગુજરાત અને સૌરાષ્ટ્ર ના કેટલાક જિલ્લામાં હળવાથી મધ્યમ વરસાદ ખાબકી શકે છે.
રાજ્યમાં બે મહિનાના ગાળામાં કમોસમી વરસાદની આગાહીથી ખેડૂતો ચિંતાતુર બની ગયા છે. હવામાન વિભાગ અને અંબાલાલ પટેલના જણાવ્યા અનુસાર આગામી 7 માર્ચે પંચમહાલ, દાહોદ, મહીસાગર, અરવલ્લી, ખેડા, આણંદ, સુરત, વડોદરા, નર્મદા,તાપી,ડાંગ,છોટા ઉદેપુર અને 9 માર્ચે છોટા ઉદેપુર,
નર્મદા, તાપી, ડાંગ, સુરત, ભરૂચ, નવસારી, વલસાડ, દમણ, ભાવનગર અને અમરેલી માં હળવાથી મધ્યમ વરસાદ પડવાની આગાહી કરવામાં આવી છે.રાજ્યમાં આગામી 24 કલાક દરમિયાન ગરમી માં વધારો થવાની સંભાવના જણાઈ રહી નથી પરંતુ ત્યાર પછી ચાર દિવસ દરમિયાન તાપમાન
2 થી 3 ડિગ્રીનો વધારો થઈ શકે તેવી શક્યતાઓ સેવાઇ રહી છે ત્યારે ગરમી વચ્ચે શહેરી લોકોને ચોક્કસપણે છુટકારો મળે તેવુ આગાહી પરથી લાગી રહ્યું છે.આ દરમ્યાન ગઈકાલે 36.6 ડિગ્રી સાથે સુરત માં સૌથી વધુ ગરમી નોંધાઈ હતી. અમદાવાદની વાત કરવામાં આવે તો સરેરાશ મહત્તમ તાપમાન 34.2
અને ગઈકાલે લઘુતમ તાપમાન 17.2 ડિગ્રી નોંધાયું હતું.આગામી ત્રણ દિવસ સુધી અમદાવાદમાં મહત્તમ તાપમાન 37 ડીગ્રી ને વટાવે તેવી સંભાવના દેખાઈ રહી છે.અંબાલાલ પટેલ અને હવામાન વિભાગની આગાહી અનુસાર આગામી ત્રણ દિવસ ગુજરાતના જુદા જુદા પંથકમાં છુટોછવાયો વરસાદ પડી શકે છે.ત્યારે વરસાદની માઠી અસર ખેડૂતો પર પણ પડી શકે છે જેથી જગતનો તાત ફરી એક વખત મુશ્કેલીમાં મુકાયો છે.
તમે આ લેખ “ગુજ્જુ ગુજરાતી” ના માધ્યમ થી વાંચી રહ્યા છો,આવી જ રીતે રોજિંદા જીવન માં ઉપયોગી હોઈ તેવા લાગણીસભર લેખ,સ્વાસ્થ્ય વર્ધક માહિતી,બોલીવુડ ની ખબરો,ધાર્મિક વાતો,રેસીપી, તથા અન્ય રસપ્રદ માહિતી મેળવવા માટે ગુજરાત નું લોકપ્રિય ફેસબુક પેજ “ગુજ્જુ ગુજરાતી” લાઈક કરી ને અમારી સાથે જોડાઓ.
